Fotos: Andreas Behr
Leiwe Börkumers, geachte Gasten, ik begrüß jau heil hartlik tau unsere traditionelle Olljahrsavend mit Olljahrssingen. De Olljahrsavend ist ein stimmungsvolle un moije Overgang in dat neije Jahr. Ik freu mi, dat ji hier so zahlreich herkomen bin‘t.
Verehrte Gäste, ich möchte auch sie ganz herzlich zu unserem Jahresausklang, dem Olljahrsavend, begrüßen. Als Teil der Borkumer Tradition wird diese Rede in weiten Teilen auf Borkumer Platt gehalten werden. Ich lade sie ein, zuzuhören, „tau lüstern“, auch wenn sie nicht alles verstehen sollten, und bitte um ihr Verständnis. Vielen Dank.
Vanavend willn wi tausamen over dat vergangen Jahr kieken. Wat da so gebört is, wat gaud un wat neit so gaud verlopen is. As elket Jahr hebb ik wer in de Reden van’t verleden Jahr keken um tau sein, bi welke Bantjes wi wieder komen bin‘t un waar neit. Bi verscheiden Bantjes wussen wi, dat wi gedüldig dran blieven mutten. Man andere Saken leipen neit so stur as wi docht hebben.
Verleden Jahr bi’t Olljahrssingen hebb ik vertellt, dat wi de Gartenstrate nei bouwen könen. Dat het uk gaud klappt, het ein lüttje Sett langer brukt man dat hett uns kein Geld kost un bi so ein grote Baustee mutt man damit reken, dat wat gebeurt, wat man neit plant hett. Insgesamt is de Gartenstrate neit dürder warn un ik mein, sei is uk moij warn. Ik bedank mi bi de Anwohners vor hör Gedüld un dat se so gaud mitmakt hebben.
Ein Dauerthema is, Dokters na uns Eiland tau halen. Ik hebb all faark over de Regionale Versorgunsgszentrum mit Medizinische Versorgungszentrum, kaart heit dat RVZ/MVZ, vertellt. Wi bin’t mit de Staatskanzlei, de dat Geld dartau geven will, dat heile Jahr düchteg an‘t akkedeiern west. Man mutt weiten, dat se dat ein Modellprojekt neumen. Dat heit einfach, kein eine weit heil genau, hau dat mit de Förderung offloopen sall. Sei hebben Ideen, wi hebben Ideen un darover hebben wi düchteg proot. Akkedeiert hebben wi uk mit de Klinikum Leer. Wi bruken ja Bott för de Dokters un vör der RVZ, de gifft uns dat Klinikum gaude Stöhn. Darum kunnen wi in‘t Novembermaand de finale Antrag na Hannover stüren. De Signale bint positiv un so hopen wi, dat wi gau alet vör de Met hebben, besünners wat dat an‘t Ende kostet, dat de Rat van de Stadt ein Entscheidung treffen kann.
Elket Jahr bi’t Olljahrsingen mutt ik uk over de elendige Gasplattform prooten. De heile Jahr is dat neit so gaud verloopen. Man in de letzte Tied gebeurde ein bietje wat anders. De Hollanders bruken ein Abkommen mit Duitsland (Unitarisierungsabkommen), um de Gas ut de duitse Teil tau halen. Dat Abkommen is nei bi de Bundesrat dörkomen. Se hebben dat als Bundesrat nei offlehnt, man sei wassen uk neit davör. Villicht is dat ein Teiken, dat unsere Argumente tegen de Gasförderung hört warn. Verleden Jahr hebb ik an disse Stee segt, lüttje Eilanden as Börkum un de anderen hebben kein Lobby. Villicht andert sük dat langsam. Un de Gerichtsverfahren bint uk noch neit an’t Ende. Wi geven neit up un wuracken wieder, tausamen mit unsere Partners van de Umweltverbände un Bürgerinitiativen.
Waar wi gaud wieder komen bint is mit de Nachnutzung van der Nordseeklinik. De ein off andere düürt dat vööls tau lang. Man ik mutt seggen, för dat, wat man tau akkedeieren harr, dat de Rentenversicherung Rheinland as Eigentümer uk Gremien het, de overtücht warden mutten un dat wi all willn, dat da wat Moijet bi drut kummt, hebben wi all mitnander de Zeitplan gaud inhollen. Nu mutt de Inverstor seggen, wat hei bouwen off verandern will. Dann makt de Stadt mit hör einen Vertrag un de Verkoop tüsken de Rentenversicherung un de Investor kann over de Bühne gahn. Dat brukt kein lange Sett mehr. In de Zeitung stunnen ja all Bilders wat sei sük vörstellen. Ik mein, dat sücht gaut ut un dat Konzept, wat da achter steiht, is gaud vör unse Eiland.
De Städtebauförderung is uk ein Prozess, de over tien bit fievtien Jahren geiht. De eine Förderung hebben wir vör de Reede, de tweide vör de Kurviertel kregen. De Reede ist erder komen, da bint wi all ein bietje wieder. De Radwege bin wieder gahn, de gefahrlike Stee bi de Overgang van de Reededam up de Strate Am Neuen Hafen is da neit mehr. För de grootere Maßnahmen as de Uferpromenade un de Freitreppe hebben wi de Genehmigungen kregen – da hebb ik neit mit reken. Man is uk mal gaud, as dat so löppt. Nu ward utskreven un dat geit all man wieder.
För dat Kurviertel, war de Förderung ein bietje later kwam, hebben wi völ anstött. Vördem dat man da wat neijet maken kann, mutt man over der Stratenverkehr, de gastronomische Angebot un dit un dat simeleiern. Butendem willn wi in’t neije Jahr ein Architektenwettbewerb för de Bismarckstrate maken, um tau kieken, wat man da beter gestalten kann. Mit de Gastromen hebben wi all darover proot. Ik bin gespannt, wat bi de Wettbewerb drutkomen deit. Bi de Oppermanns Pad het sük de Rat de vöölen Vörschläge, de uk bi de Inselwerkstatt drutkomen bin, bekeken. Hier ward in’t Januar of Februarmaand, seggt, hau dat da wieder geit.
Ander Jahr kummt de Ganztagsgrundskaule. De Antrag is up Tied na de Schulbehörde gahn. Wi hebben mit de Behörde proot, hau dat utsücht un sei hebben seggt, wi mutten kein Sörge hebben, sücht heil gaud ut. Dann geiht dat in de Sömmer för de heile Grundskaule löss, neit blot vör de erste Klasse.
Mit de Bouw van ein neije Grundskaule bint wi uk noch tau Gang. Wi bint da nach wie vor mit de Landkreis tausamen unterwegs, um bi de Inselskaule ein Bildungszentrum tau bouwen. De Berufskaule un de Grundskaule könen up ein Gelände bouwt warn, man ein endgültige Entscheidung hebben wi noch lang neit. Vördem mutten de Landkreis un wi noch na de Kosten kieken. De bin ja düchteg hoch, dat willn wi uns in komende Jahr intensiver bekieken.
Ein andere grooted Wark is de Tiefengeothermie. Dat Ziel is, dat wi hopentlik 2027 de erste Bohrung in de Grund brengen. Da bint wi noch immer up Tied.
De ein off andere is bang, dat wi uns mit dat Projekt overnehmen. Min Meinen is, dat wi dat noch gar neit seggen könen. De Tiefengeothermie is ein so groote Chance, da dört man neit van Begünn off an seggen, dat ward nix. Wi bint düchteg an’t simeleiern, hau man dat wirtschaftlich för de Met kregen kann, wat da vör Risiken bint. Vör mi is klar: Wenn man so wat maken will, löppt dat meist gaud over dat Knippke. Wi hebben de Chance, för uns Eiland günstige un preisstabile Energie tau kriegen, för uns un unsere Kinder un Kindskinder. Un de Energie is uk noch klimaneutral. Dat is dat Ziel, da mutten wi. Un wann wi an ein Punkt komen war wi seggen mutten, dat ward nix, dann is dat so. Man an de Punkt bin wi noch lange neit. De Landesregierung will uns de erste Bohrung meist betalen. Dann könen wi kieken un seker wesen, off de Wirtschaftlichkeitsberechnungen hollen wat se verspreken.
Wat heil gaud löppt ist de Integrationsarbeit. Hier kriegen Lü, die na Börkum komen um hier tau warken Stöhn un Hülpe. De kein Düts proten ward dör unsere Sprachmittlerin bi Anträgen un sükse Saken hulpen. Dat gifft uk verscheiden Angebote för Spachkurse. Hier hebben wi düchteg Stöhn un Hülpe van Unternehmers, de VHS Leier, van de Inselskaule un van Freiwilligen, dei as Dozenten de Kurse maken. Ziel is, dat de Lü Sprachzertifikate kriegen, de sei bit Wark bruken könen off villicht sogar för de Einbürgerung. Dat löppt all so gaud, dat dit Jahr dat erste Mal eine offizielle Sprachprüfung hier up Börkum stattfunden hett. Dat heit, de Lü mussten neit up Fastland. An disse Stee will ik mi bi all de Lü bedanken, de sük daför insetten, dat wi dat up Börkum anbeiden könen. Min Dank geit uk an all de anderen Ehrenamtlichen, de bi völ ander Saken för de Lü up unse Eiland warken.
Jij sein, de Upgaven bin neit lüttjet. Man dat verleden Jahr het mi weer wesen, dat wi tausamen hollen. Dat wi miteinander warken un uk mal wuracken, wann’t nödeg is. Wann dat so loopen deit, dann kriegen wi dat wall hen un ik mein wiss, wi stahn dann noch beter da as vandage.
Die Kollegen vom Standesamt hatten 2025 auch wieder viele Paare zu trauen. Auf Borkum fanden in diesem Jahr 162 Eheschließungen statt, das sind insgesamt 14 Trauungen mehr als letztes Jahr. 12 davon waren Borkumer Paare. Seit diesem Jahr besteht die Möglichkeit, sich am Strand trauen zu lassen. Da dies erst ab Mai beworben werden konnte, hatten wir dieses Jahr 16 Trauungen am Strand. Für 2026 gibt es bereits jetzt 55 Anmeldungen. Es zeichnet sich ab, dass durch dieses Angebot vermehrt Paare auf die Insel kommen, die bisher keinen oder kaum Bezug zu Borkum hatten
Dieses Jahr wurden 25 Kinder geboren. Ein Kind ist auf Borkum zur Welt gekommen. Das ist deswegen erwähnenswert, da Borkum seit Jahren keine Entbindungsstation mehr hat und normalerweise auf dem Festland entbunden wird.
Beim Jahreswechsel schauen wir auf das vergangene Jahr zurück. Dazu gehört auch, sich an die Menschen zu erinnern, von denen wir uns für immer verabschieden mussten.
Es wurden 68 Sterbefälle auf Borkum registriert. 45 davon wurden auf Borkum beurkundet, 29 sind auf dem Festland, meist im Krankenhaus, verstorben. Und es waren auch leider wieder einige jüngere Menschen und besonders schwere Schicksale dabei, welche die Angehörigen und Freunde lange beschäftigen werden.
Ich möchte Sie einladen, gemeinsam der Verstorbenen zu gedenken. Lassen Sie uns dazu kurz innehalten und uns an die lieben Menschen erinnern.
Damit komme ich auch zum Ende dieses kleinen Rückblicks und Ausblicks, der natürlich gar nicht alle Themen, die uns beschäftigen, ansprechen kann. Ich bedanke mich für Ihre Aufmerksamkeit. Ganz herzlich möchte ich mich bei der Trachtengruppe des Verein Borkumer Jungens bedanken, die hier in den schönen Borkumer Trachten ganz wesentlich zu dem feierlichen Rahmen beitragen. Beim Verein Borkumer Jungens bedanke ich mich für die Organisation und beim Männerchor des Verein Borkumer Jungens für die stimmungsvollen Lieder.
Ich wünsche Ihnen allen nun einen guten Rutsch in das Neue Jahr, viele schöne Erlebnisse im Jahr 2026 und vor allem Gesundheit. Vööl Glück un Segen in't neije Jahr un bliev all gesund! Allerbest!
Bürgermeister Jürgen Akkermann
